New Washington, Aklan — Naka oxygen rong sangka eaeaki sa Aklan Provincial Hospital matapos nga bun-on na ro anang kaugalingon kabii sa Brgy. Polo, New Washington, Aklan.
Ro biktima nakilala kay Christoper Costudio, 24-anyos, residente it nasambit nga lugar ag nakaangkon it tama sa waea nga parte it tiyan.
Suno sa nanay it biktima nga kabii hay nag-adto ro anang unga sa namatyan ag nakisugae, naperdi, umuli ag nangayo it kwarta kana dayon nga bumalik sa namatyan ag nakisugae eoman.
Nagdaog mat-ana rong biktima ag pagkatapos nagsaeampitan sa barkada nga mag inuman hasta nga naubos eoman ro anang kwarta.
Dikara nangayo eoamn it umana it kwarta kay nanay na pero imaw ginbalibaran, sumueod sa kwarto ag nagwinala hasta nga gin adtunan imaw ni tatay na para kunta nga pahipuson ay managob eon ugaling uwa raya magpati ag nahasakit ko a tatay.
Bumuoe raya it kutsilyo ag dumaeagan pa guwa ag ginbuno ro anang kaugalingon.
Gintinguhaan pa raya nga baeabagan ko anang mgabarkada ugaling uwa gid maabangi.
Sa makaron hay padayon nga ginabueong si Costudio sa Aklan Provincial Hospital.
