encuentro; 2 irido

DOS MAGA ARMAO PERSONA IRIDO DESPUES ESTOS YA MAN TIRAHAN CON EL MAGA PULIS DEL SDET DEL TETUAN POLICE STATION AYER MADROGADA NA DON TORIBIO STREET, TETUAN.
CON EL DOS PERSONA YA CONOSE COMO CANDA MOHAMMAD HASSAN SAPIE, 40 AñOS DE EDAD DE UPPER CALARIAN Y SI AL-JIDEN DADJILUL USAMAA, 30 AñOS DE EDAD DE DON TORIBIO, TETUAN.
HACEGUN CON MAJOR PAUL ANDREW CORTEZ ELPORTAVOZ DEL POLICIA LOCAL, BANDA ALA UNA DEL AGA, EL GRUPO DEL TETUAN POLICE STATION SDET TA MAN PLANO EL DIILA DRUG OPERATION ENFRENTE DEL IGLECIA DEL TETUAN CUANDO TIENE DOS PERSONA MUNTAO NA MOTORCICLO YA PASA.
DONDE EL MAGA PULIS YA PUEDE NOTA QUE TIENE BUKUL PISTOL NA SINTURA DEL DOS PERSONA.
PORCAUSA CON ESTE, YA SIGUI EL MAGA PULIS ATRAS CON EL MAGA SUSPECHAO PERO CUANDO YA LLEGA SILA NA DON TORIBIO STREET, EL MAGA SUSPECHAO YA REPICA DE TIRO CANILA.
AQUI DESTE, YA CONTESTA TAMEN DE TIRO EL MAGA PULIS HASTA YA SALE IRIDO EL DOS SUSPECHAO.
CON SAPIE YA PUEDE DAYUN ARESTA EL MAGA PULIS MIENTRAS CON USAMA YA ALCANSA MAGA PULIS NA WEST METRO MEDICAL CENTER.
CON SAPIE YA LLEVA TAMEN EL MAGA PULIS NA HOSPITAL QUIEN TAMEN TIENE TUPADA DE BALA NA CUERPO.
MAGA PULIS YA RECOBRI NA LUGAR DEL SOSESO EL DOS CALIBRE 45 PISTOLA CON MAGA BALA, CAPSULA DEL 9MM PISTOLA Y EL SUZUKI MOTOR DEL MAGA SUSPECHAO.
TA PRECURA AHORA SABE EL MAGA PULIS SI COSA EL BACKGROUND DEL MAGA SUSPECHAO.
Facebook Comments