Gibuksan na karon ang deliberasyon sa Senate Committee on Public Information and Mass Media aron diskutihan ang kalabutan sa pagkuyanap sa ‘fake news’ nga diin naghatag kini ug maut nga hulagway sa imahe sa mainstream media.
Ang komitiba gipangulohan ni Sen. Grace Poe diin gidungog niini ang testimonya sa mga information experts, government communication officers ug uban pang binating dinapit.
Segun kang Undersercretary Joel Egco sa Presidential Communications Office, ang bag-ong teknolohiya nihatud ug daghang mga oportunidad alang sa paghatud ug mas undanong kasayuran apan gikinahanglan kining himoan ug konkretong mga regulasyones diin hatagan ug mas dakung bili kun emphasis ang responsableng paggamit sa social media ilabi na niadtong mga bloggers.
Mokabat na sa 99 ka mga cyber libel and related cases na-file sa kagamhanan kontra niadtong mga gisuspetsahang naka-komitir ug nasangpit nga bayolasyon.
Ning labing ulahi, niinit ang fake news issue sa dihang nigula ang gitawag nga ‘Silent No More’ Facebook page diin gibigwasan niini ug maayo ang pito ka mga senadores nga gituhuang kaalyado sa Duterte administration sa kapakyas nga mo-pirma sa usaka Senate resolution nagkondena sa kamatay sa mga batan-on diha sa kontrobersyal nga war on drugs.
RadyoMan June Duterte
