EL FAMILIA DI OSMUNDO RIVERO, UN RESIDENTE DEL TUMAGA EN ESTE CIUDAD QUIEN UNO DEL MAGA SUSPECHAO NA MASSACRE DEL NEGROSS ORIENTAL GOVERNOR ROEL DEGAMO Y CUANTOS DEL MAGA OTRO CIVILIAN, NOHAY QUERRE MAN CUENTO NA MEDIA AYER AGA. EL DXRZ RMN NEWS TEAM YA ANDA NA PRESA TUMAGA PARA SACA ERA CUANTOS PALABRA DESDE CON EL FAMILIA DI RIVERO PERO NOHAY ESTOS CONFORMA. DONDE DURANTE EL VISITA DEL NEWS TEAM VISIBLE TIENE UN PULIS TA GUARDIA CON EL RESIDENCIA DEL FAMILIA RIVERO. ASEGUN CON EL PULIS DEL LUNES YA PRINSIPIA MAN DEPLOY PERSONAHE NA LUGAR UN DIA DESPUES YA ARESTA CON RIVERO EL MAGA PULIS NA VISAYAS REGION. SI RIVERO UN ANTES SOLDAO, Y DESPUES YA QUEDA TAMEN CHIEF SECURITY DEL CUANTOS SECURITY AGENCY NA CIUDAD Y HASTA NA GINDA NA METRO MANILA. PERO DEL SABADO YA QUE LE EMBUELTO NA MATANSA DI GOVERNOR DEGAMO DONDE TA MAN MEETING EL GOVERNOR CON CUANTOS MAGA PERSONA NA NEGROS ORIENTAL Y DEREPENTE YA LLEGA UN GRUPO DEL MAGA ARMAO PERSONA Y TA SEMEHA MAGA ICHURA CON EL MAGA SOLDAO. BASE NA CCTV CAMERA NA LUGAR, YA MAN CUENTO PA EL UNO DEL MAGA ARMAO PERSONA CON EL MISMO GOVERNOR Y DESPUES DEREPENTE YA LANG ESTOS YA REGA DE BALA CON EL MAGA VICTIMA. SI RIVERO AMO EL ACA CUATRO CONQUIEN YA PUEDE ARESTA EL MAGA OTORIDAD DURANTE EL HOT PURSUIT OPERATION.
Facebook Comments
