Kalibo, Aklan – Nasapwan eong lang rong sangka fetus kaina matapos nga pinilak it sangka uwa pa makilaeang ina sa guwa it sangka establisyimento sa corner it Goding Ramos St., ag XIX Martyrs St., Kalibo, Aklan.
Sa pakikipag-angot it RMN Kalibo kay alyas “Nonoy” Zonio nga naga trabaho sa sangka punerarya ag sanda man rong nagbuoe ko nasambitan nga fetus hay mga 2 to 4 months eon ro nasambit nga fetus.
Ginapatihan man, nga basi raya hay pinilak sa basurahan ag may nakaagi nga nagapamasura, ginbuoe ag ginbutang sa semento kung sa siin nakita eon raya kainang agahon.
Sa makaron hay una eon sa sangka punerarya ro nasambit nga fetus para mataw-an it manami nga bueotangan ag mataw-an it man dayon it tamang pag eobong.
Sa makaron hay nagapatigayon pa it follow ro aton nga mga kapulisan pinaagi sa pag review it mga CCTV sa area para makita kon sin-o ro nagpilak ag kon sin-o man ro nagbutang sa semento para ma imbistigahan.
