Idinaos ang final coordination meeting ng mga frontline responders para sa Grand Centennial Canonical Coronation of Our Lady of the Rosary of Manaoag noong Abril 14, 2026 sa Manaoag, Pangasinan.
Ipinrisinta ng Office of Civil Defense Region I, MDRRMO, Pangasinan Police Provincial Office at lokal na pulisya ang mga security plan para sa inaasahang pagdagsa ng mga deboto, bisita at VIPs.
Kasama rito ang operational arrangements para sa traffic management, waste management, medical response, parking at overall security.
Itinalaga ang main medical team sa Manaoag Sports Complex na magsisilbi ring evacuation center para sa mga emerhensiya.
Kinumpleto rin ang deployment scheme para sa mga rescue vehicles, ambulances, patient transport units, fire trucks at police mobile units na ilalagay sa mga itinakdang strategic areas.
Nakibahagi sa naturang final meeting ang mga volunteer responders at medical teams mula sa mga kalapit na LGU na magtatakda ng security and medical personnel mula Abril 20 hanggang 23. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
