Financial aid gitunol sa Brgy. 76-A fire victims, relocation options gitanyag

Davao City – Nakadawat og pinansyal nga tabang ang mga biktima sa sunog o ang mga residente ilawom sa Bolton Bridge nga nahimutang sa Barangay 76-A, Davao City, nahitabo niadtong Enero 15, 2022.

Gibutyag ni Davao City Mayor Sara Duterte-Carpio (sa interbyu sa city-owned radio), gilayong gitunol sa mga biktima isip inisyal nga tabang mao ang evacuation center, food ug non-food items, ingon man ang financial assistance ilabina niadtong totally damaged nga pinuy-anan.

“Sa atoang fire victims initial nato nga ginatag sa ilaha is number 1, we identify an evacuation center, then we provide the food, then we provide non-food items usually kana nang mga kinahanglan nila like banig, kaldero, kulambo, ug kanang shade. After that, we master list and verify sila for their financial assistance. We released immediately after, the financial assistance P20,000 na siya for totally damaged houses,” sulti sa alkalde.

Samtang, gihatagan ni Mayor Sara og duha ka options ang mga biktima sa sunog alang sa mas luwas nga kapuy-an. Matud sa alkalde, mamahimo silang ma-relocate kung sila mokwalipika sa City Housing o i-refer sila sa asosasyon nga nagpalit og yuta ilawom sa Mortgage Housing.

Samtang, gisulti ni Duterte-Carpio, dugay na niining giingnan ang City Engineer’s Office labot sa sitwasyon sa mga nagpuyong residente ilawom sa tulay diin kini delikado subay usab sa assessment sa Davao City Disaster Risk Reduction and Management Office (CDRRMO).

RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments