Mas pinaigting ang kakayahan ng pulisya sa pagpapatrolya matapos tumanggap ang 101st Maneuver Company ng Regional Mobile Force Battalion 1 (RMFB1) ng isang Lumos Bicycle Helmet mula sa isang concerned member ng komunidad ng Laoag.
Ayon sa ulat, ang nasabing helmet ay gagamitin sa bike patrol operations ng yunit, na layuning mapalakas ang presensya ng pulisya at mapabilis ang kanilang pagtugon sa mga insidente sa komunidad.
Malaki rin ang maitutulong nito sa kaligtasan at visibility ng mga pulis habang nagsasagawa ng kanilang mga tungkulin, lalo na sa mga lugar na mas angkop puntahan gamit ang bisikleta.
Ipinahayag ng 101st Maneuver Company na ang simpleng donasyon ay may malaking ambag sa pagpapabuti ng kanilang operasyon at sa pagpapanatili ng kaayusan at seguridad sa nasasakupan.
Nagpasalamat naman ang yunit sa ibinigay na tulong, na kanilang inilarawan bilang mahalagang ambag sa pagsusulong ng kanilang misyon sa paglilingkod at pagprotekta sa sambayanan. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
