Isa lang ang tagdisenyo kag tagtukod sang Iloilo provincial Multi-level parking nga natalana nga igatukod sa Iloilo capitol compound sa labing madali nga panahon.
Ini karon ang luyag matabo ni Governor Arthur Defensor Sr. Sa nasambit nga proyekto.
Ginsiling sang gobernador nga kon sin-o man ang magadaug sa bidding, ini na ang mangin responsable sa pagdisenyo sang pagtukod sang proyekto.
Ini bangud suno sa gobernador, masami nga nagaka-atrasar ang proyekto kon lain-lain ang tagdisenyo sang imprastruktura sa tagtukod gid sini.
Nahibaluan nga 6-storey parking lot ang natalana nga pagatukoron sa Provincial capitol compound bilang saad man nga proyekto sang gobernador antes ini siya ang magpanaog sa pwesto.
Facebook Comments
