Granada, nagsigabong sa banwa sang Tampakan,South Cotabato, isa pilason.

21

Pilason ang isa ka persona sa nagluntad nga pagsigabong sang granada sa bahin sang Purok Bukang Liwayway, Barangay Kipalbig, Tampakan, South Cotabato sang tinalikdan nga gab-i.
Ginkilala ni Police Sr. Insp. Brandie Rasos, hepe sang Tampakan PNP ang biktima nga si Joenel Rioja, 20-anyos kag residente sang nasambit nga lugar.
Sa imbestigasyon pasado alas 8:30 sang gab-i nagluntad ang insidente sang papauli na ang biktima sa ila balay halin sa barangay hall sang nag-agi ang isa ka motorsiklo sakay ang duha ka mga indibidwal kag ginhabuyan ini sanggranada.
Nakaangkon naman sang pilas sa mga nagkalain-lain nga parte sang iya nga lawas ang biktima, apang yara na ini sa luwas nga kondisyon.
Naaresto naman sang kapulisan sa ginpatigayon nga follow-up operation ang isa sa mga suspek nga si John Ralph Eslacin, 18 – anyos , samtang ginapangita pa ang upod sini nga si Rodel Canlas.
Personal grudge naman ang ginalantaw nga motibo sang Tampakan PNP sa nasambit nga insidente.

www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments

From Advertisers