Kalibo, Aklan – Kapin sa 80 ka mga miyembro it Nalook-Pook-Caano-Estancia (NAPOCACIA) Small Farmers and Homeowners Association rong sumukob kahapon it hapon sa opisina it Department of Agrarian Reform (DAR) bangud sa andang problema sa bayad sa mga eogta nga apektado it Airport Expansion.
Suno kay Mr. German Baltazar, Presidente it Nalook-Pook-Caano-Estancia (NAPOCACIA) Small Farmers and Homeowners Association, nga anda malang kara nga ginahinyo nga taasan ro financial assistance kapareho it disturbance compensation ag imbes kara hay gintaw-an sanda it financial assistance kung sa siin manaba raya kaysa sa disturbance compensation.
Bukon man it kumpormi rong mga apektado nga miyembro rason nga nakaangkon pa it diskusyon si Baltazar ag rong legal officer it DAR nga si Dominador Briones.
Bangud kara, iga- refer eon lang it DAR ro problema it mga apektado sa Provincial Government agud makapatawag it dayalogo ag maresulba ro isyu.
