Kalibo, Aklan — Hugot nga igapatuman rong gun ban sa selebrasyon it Kalibo Sto Niño Ati-atihan Festival 2018.
Suno kay SPO4 Rene Armenio it Site Ati Task Group nga rong gun ban hay igapatuman umpisa Enero 12 hasta it 21, 2018 para maiwasan ro mga gun related incident.
Raya nga implementasyon it gun ban hay kaparte ko security measures para nga masiguro rong kaeowasan it mga debotos ag bisita nga makisadya sa selebrasyon it Ati-atihan.
Sa gun ban ngara hay tanan ro permits to carry outside sa residensya hay suspended anay ag ro ginapahinugutan eamang hay ro mga meyembro it Armed Forces of the Philippines (AFP) Philippine National Police (PNP) nga naga duty aga naka uniporme.
Samtang sa pihak nga parte rong pag sigarilyo sa pampiblikong lugar, pagdaea it mga hinangiban, de botilya nga mga ilimnon, pagdaea it backpacks ag mga illegal drugs sa festival zone hay ginabawae man.
