Malay, Aklan – Arestado sa ginhimong operasyon it Malay PNP rong sangka habal-habal driver ag wanted sa kasong attempted murder kabii sa mismong baeay na sa Sitio, Angol, Brgy. Manocmanoc, Boracay, Malay, Aklan.
Rong akusado nakilaea kay Mario Dela Cruz Bermudo, 38-anyos, native it Brgy. Guinbaliwan, New Washington ag presente nga naga istar sa isla.
Nasayuran nga natabo rong insidente ko dag-on 2018 sa Brgy. Balabag kung sa siin gumankon it anang asawa ro biktima.
P 120,000.00 rong gintaeana it korte nga pyansa para sa anang temporaryong kahilwayan.
Si Bermudo hay nakataeana man nga iga turn-over sa korteng natungdan.
Facebook Comments
