High value individual nisukol-patay sa drug buy-bust operation

116
Davao City – Patay ang usa ka Top 1 Station level sa Sta. Ana Police Station, human misukol sa kapulisan atul sa drug buy bust operation alas 5:30 sa hapon (October 19, 2022) sa Purok 4-B, Brgy. 23-C, Davao City.

Sa report sa Sta. Ana Police Station, naila ang suspek John Archie Araula, alyas “Archi”, 22 anyos, residente sa Purok 12, St. John, Brgy. 76-A, Bucana, ning dakbayan.

Sumala pa napalitan ang suspek og usa ka pakete nga shabu kambiyo ang buy bust money apan nakabantay ang suspek og kalit nga nibunot sa iyang armas nga .45 kalibre pistola og dayon pusil sa mga police apan abtik nibawos ang kapulisan resulta sa pagka-neutralize. Gidala pa sa Southern Philippines Medical Center (SPMC) apan nabawian na sa iyang kinabuhi.

Sa esklusibong interbyu sa DXDC RMN Davao kang PLT.Col.Ronald Lao, suspek kanunay nagbaligya sa illigal nga droga sa maong Barangay ug naay E-warrant og notado sa kasong theft ug dunay kaso sa laing Police Station ning syudad og makita sa CCTV footage nga nagapanulis og panglabni sa cellphone.

Samtang giingon usab ni Brgy. 23-C Kapitan Alimodin Wating Usman, ang suspek usa lamang ka dayo sa iyang Barangay og ang iyang live in partner taga Purok 4-B sakop sa maong Barangay. Gipaklaro ni Kapitan Usman nga notado ang suspek ug aduna kini warrant.

“So mao na,nga kaganina, natayming pod ang suspek nibunlot pod og baril mao na nga napitkan gyud sya kay nisukol man sa kapulisan”.



RadyoMaN Don Pulayao

Facebook Comments