Kalibo, Aklan — Uwa it nabuoe nga suporta halin sa mga senador rong hirit nga ipaidaeom sa land reform rong Boracay nga sa makaron hay sarado pa para sa rehabilitasyon.
Sa hearing it Senado, ginhambae ni Agrarian Reform Undersecretary Luis Meinrado Pañgulayan nga bilang pagsunod sa deriktiba ni Pangulong Rodrigo Duterte hay ginatun an eon nanda kung aling parte it Boracay ro pwede ipaidaeom sa land reform program.
Ginpahayag man ni DAR Undersecretary David Erro, nga pagabutangan nanda it 30 centimeters hasta 1 metrong topsoil rong parte it Boracay nga igapanao sa mga mangunguma nga benepisyaryo it land reform program.
Samtang suno kay Senate Minority Leader Franklin Drilon, imposible rayang mahimo ag ginhambaean man nana rong DAR nga indi magpangayo it budget para pangbakae it topsoil.
Maging si Senadora Cynthia Villar hay kumbinsido nga imposibleng mapaidaeom sa land reform rong Boracay bangud rong sobra 300 nga ektarya kara hay forest land nga indi matabing samtang rong nabilin nga 300 plus hectares hay natituluhan eon it pribadong sector kung siin kueang-kueang 300 ektarya eon lang rong nabilin nga pwedeng ipanupod.
Suno mat-a kay Senador Antonio Trillanes IV, kalokohan rong gusto it Presidente nga matabo sa Boracay ag sigurado nga may unang motibo sa likod it namensyonar nga deriktiba.
