Davao City- Naabtan sa DXDC Davao Investigative Team ang pag dangoy-ngoy sa mag asawa nga Jerson ug Helen Autida atubangan sa lungon sa ilang naginusarang anak nga si Kimberly Autida kinsa gilugos patay.
Gisugilon ni Helen sa DXDC Team nga gahapong adlawa nga si Kim gikan sa ilang tindahan mipauli sa ilang balay aron atimanon ang iyang Lola ug nanlaba pa kini una mubalik unta sa ilang tindahan apan wala na makabalik pa ang dalagita.
Gipangita na siya sa iyang amahan nga si Jerson ug nakita nalamang nila ang ilang bugtong anak pasado alas 12 sa udto sa may kasagbutan sa Brgy. Adecor, Island Garden City of Samal nga wala nay kinabuhi.
Gisaysay ni Helen nga sa dugay nga panahon nga wala sila mahatagi’g anak si Kim maoy blessing alang sa ilang mag-asawa.
Sa mangilngig nga kamatayon ni Kim lisod kini madawat sa ilang pamilya.
“Wala na miy anak Ma’am, buotan kaayo ni si Kim” ug dayon mitulo ang luha ni Helen samtang gisulti kini ngadto sa DXDC Team.
Hustisya ug nanghinaot ang pamilyang Autida nga mutahan na ang mihimo niini sa ilang anak.
Kasamang Aimee Guinita
