ILOILO DECLARATION GIN-ADOPT SANG PEMSEA MEMBER NATIONS

i Balita December 02, 2018 (Photo From Web. No Copyright Infringement Intended)

Gin- adopt sang environment ministers kag heads of delegation sang 11 member countries sang Partnership in Environmental Management for the Seas of East Asia (PEMSEA) ang Iloilo Declaration sa pagtakop sang 6th Ministerial Forum of the East Asia Seas Congress 2018 kahapon.
May tig-ulo ini nga “East Asian Region Moving As One to Secure Health Oceans, People and Economies”.
Ginakilala sang deklarasyon ang malahalon nga bahin sang coastal kag marine ecosystems sa kasiguraduhan sang pagkaon kag trabaho lakip na ang pagtibawas sa kaimulon kag pagtukod sang mas resilient nga coastal communities kag blue economies sa east asia.
Suno kay Aimee Gonzales, PEMSEA executive director ang declaration mangin balasihan sa pagpatuman sang mga kasuguan sa pag-amlig sang kadagatan sa mga member countries kag may monitoring sa implementasyon sini.
Ang EAS congress ginapasakupan sang 11-PEMSEA member nations nga Cambodia, China, Indonesia, Japan, Laos, North Korea, Singapore, South Korea, Timor-Leste kag Vietnam.

Facebook Comments