Davao City- Adunay lapses nga nakita ang Davao City Health Office (CHO) sa nagprepara sa kwek kwek resulta sa pagkalanag sa trese ka mga estudyante sa Holy Cross of Mintal.
Gibutyag ni Health Investigator Jan Lawrence Olaco nga nasayran nga daot ang itlog nga nakaon sa mga estudyante.
Matud kang CHO Environmental and Sanitation OIC Luzminda Paeng nga adunay violation ang tunghaan og giisyuhan nila kini’g sanitation order.
Sulod sa kinse ka adlaw kinahanglang i-comply kini sa eskwelahan.
Temporaryong gipasuspende ang pag-serve og kwe-kwek sa kantina.
Kahinumduman niadtong Miyerkules gipangdala ang mga estudyante human nagsuka’g kalibang tungod sa ilang gikaong kwek-kwek nga ilang napalit sa canteen atol sa ilang recess.
Sumala sa CHO nga dakong epekto ang temparatura ug ang storage sa usa ka pagkaon aron dili kini daling madaot.
Wala pa gihapoy pamahayag nga gipagula ang eskwelahan kalabot na giingong food poisoning.
RadyoMan Aimee Guinita
