Agud nga mahatagan sang tion nga makapangita sang trabaho ang mga naggraduate nga Senior High School dire sa probinsya magapatigayon sang jobfair bwas nga adlaw, Mayo 3 ang Department of Education upod ang Department of Labor and Employment kag subong man ang Public Employment Service Office sang South Cotabato.
Samtang subong nga adlaw suno kay Maam Merlyn Esteban sang PESO South Cotabato ipatigayon pa ang Career and Employment Guidance seminar sa mga jobseekers agud nga magiyahan ang mga ini kon ano ang nagakadapat nga trabaho para sa ila kag ano ang himuon nga makapangita sang obra.
Nagalab-ot naman sa masobra isa ka libo nga mga jobseekers ang target nga magapatisipar sa nasambit nga aktibidad.
May-angot sini, ginaawhag ni Esteban ang mga jobseekers partikular na ang mga naggraduate nga senior high school nga bentahaon ang nasambit nga jobfair kag madala sang mga importante nga dokumento kapareho sang biodata, certification kag iban pa.
Ipatigayon naman ang jobfair sa KCC Mall Koronadal.
