Davao City – Nagtagbo sa unang higayon ang Region XI Regional Joint Security Control Committee karong adlawa silbing pagpangandam sa taliabot nga eleksyon.
Sa interbyu sa RMN Davao kang PRO XI spokesperson PCI Milgrace Driz ang naglangkob sa RJSCC mao ang COMELEC XI, kapulisan, armadong kusog ug Coastguard kinsa magtambayayong aron makab-ot ang safer honest and peaceful election karong tuiga.
“Especially karon kay mano-mano og dili PCOS machine ang AFP, PNP ug Coastguard adunay strong coordination nga dapat ma-strengthen gyod ang bond within the COMELEC. Mag-provide gyod ta og security katong mga election officers as well as the teachers nga anaa sa mga polling precincts,” matud ni Driz.
Ang eleksyon period magsugod karong Abril 14 hangtod sa Mayo 20, 2018.
Matud ni Driz nagpresenta usab ang mga Provincial ug City Directors mahitungod sa seguridad sa ilang mga area of responsibilities sa mga election related incidents, kriminalidad, enemy threat groups ug sa mga communist terrorists.
Samtang ang kasundaluhan makigkoordinar sa COMELEC ug sa kapulisan alang sa ipakatag nila nga mga tropa.
Subay niini gilaraw ni COMELEC XI Regional Director Remlane Tambuang nga ipailawom og drug test ang tanang kandidato sa Barangay ug SK elections kini aron maseguro nga walay nalambigit sa droga o mga narco-politicians na makalingkod sa pwesto.
RadyoMaN Aimee Guinita
