Muling inilapit sa mga residente ang abot-kayang pagkain sa isinagawang Kadiwa ng Pangulo sa Manaoag Auditorium.
Sa pangunguna ng lokal na pamahalaan, tampok sa nasabing aktibidad ang sari-saring produktong agrikultura at mga gawaing lokal mula sa mga magsasaka at maliliit na negosyante.
Dahil dito, mas naging madali para sa publiko ang pag-access sa mas murang bilihin habang direktang nasusuportahan ang kabuhayan ng mga lokal na prodyuser at MSMEs.
Layunin ng programa na palakasin ang ugnayan ng komunidad mula sa produksyon hanggang sa konsumo, habang isinusulong ang adbokasiyang “buy local, eat local.”
Patuloy namang isinusulong ang mga kahalintulad na inisyatibo upang mapanatili ang suporta sa sektor ng agrikultura at mapagaan ang gastusin ng mga residente araw-araw. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
