Davao City – Gipasabot sa Social Security System kun SSS Davao ang kalahian sa burial ug death benefits.
Sumala ni Greta Quayle sa SSS Davao atol sa pakighinabi kaniya ni RadyoMaN Misel Miral Galve sa programang Serbisyong Straight to the Point, ang burial claim matud pa maoy bayad ngadto sa nag-abaga o nag atubang sa panggasto sa lamay ug pagpalubong sa namatay nga SSS member diin mudagan sa 20,000-40,000 pesos ang makuha nga benepisyo.
Samtang ang death benefit, usa ka benepisyo alang sa nahibiling kabanay sa usa ka miyembro nga namatay diin dapat muabot sa 36 months ang contribution nga nahulog sa miyembro ug pwede usab mag pension ang nahibiling kabanay sama sa bana o asawa ba karon sa mipanaw nga SSS member.
Pahinumdom ni Quayle nga aron dali maproseso ang nasangpit nga mga benepisyo, kinahanglan kumpleto ang mga papeles niini diin una ng gituki sa SSS Davao ang mga rekisitos sa maong claim nga mao ang original copy sa resibo, original o certified true copy sa death certificate, photocopy sa SSS ID sa namatay ug duha ka valid ID sa mu-claim sa maong benepisyo gani alang sa asawa o bana nga mukuha, magdala usab og marriage certificate.
RadyoMaN Renz Barbarona
