Photo: PDEA 6
Boracay, Island — Arestado ko mga katapo it PDEA 6, Aklan PPO DEU ag Malay PNP rong kambal sa ginpatigayon nga buy-bust operation ko Sabado it kabii sa Sitio Ambulong, Manocmanoc, Boracay, Malay, Aklan.
Ro mga suspek nakilaea kanday Jeric Sual y Fernando ag Jerry Sual y Fernando, 26-anyos, mga tour guides ag residente it Brgy. Toledo, Nabas, Aklan pero temporaryo nga naga istar sa Sitio Ambulong sa nasambit nga isla.
Na recover sa daywa ro 5 ka mga plastic sachet it ginadudahan shabu, P 3,500.00 nga buy-bust money, sangka P100.00 nga subscribe money ag cellphone.
Base sa report it PDEA 6 rong daywa hay gina alegar supplier it droga sa Boracay samtang si Jeric hay # 2 target listed drug personality sa banwang Nabas.
Magapangatubang it kasong pagbayolar sa Sec. 5 in relation to Sec. 26b, and Sec. 11 it R.A. 9165 ukon Comprehensive Dangerous Drug Act of 2002 rong daywa.
