Kalibo, Aklan – Maga umpisada eon hin-aga rong kampya kuntra firecrackers nga programa it Department of Health.
Suno kay Dr. Cornelio Cuachon Jr., Provincial Health Officer II nga magapatigayon hin-aga it motorcade paadto sa pila ka mga banwa ag pagkatapos hay may igapatigayon dayon nga press conference nga pagatambungan it pila ka mga government employee, facilities ag tri-media.
Raya nga kampanya kuntra firecrackers hay bilang pagsunod man sa Executive Order No. 28 ni pangueong Rodrigo Duterte nga “Providing for the Regulation and Control of the use of Firecrackers and other Pyrotechnic Devices”.
Dugang pa gid ni Cuachon nga imbes nga mag gamit it mga firecrackers hay maghimo eon lang it community fireworks display.
Ginasaligan man ni Cuachon ro kooperasyon it tagsa-tagsa ka LGU, BFP, PNP ag iba pang ahensya hanungod sa nasambit nga kampanya.
