Mukabat sa kinatibuk-ang P102,000.00 ang kantidad sa drogang shabu nga nakompiska sa mga operatiba sa Philippine Drug Enforcement Agency (PDEA) samtang unom ka mga suspetsado ang naaresto human ang malampusong drug buy-bust operation kagabie didto sa Purok-9, Barangay Casisang, Malaybalay City, Bukidnon.
Gipangunahan sa PDEA-Region X inubanan sa mga personahe sa Malaybalay City Police Station nga miresulta sa pagkasikop sa mga suspek nga gipang-ila nga silang June Bhoy Quindala Tuban, priority drug personality ug drug den maintainer, Allan Dazo Quindala, June Bher Quindala Tuban, Donard Tuban Dazo, Dan Derick Reyes Señires, ug Jovito Jaroy Ginoo, pulos mga residente sa naasoy nga lugar.
Gipangdala sa hingtungdang ahensiya ang mga nakompiskang droga lakip ang mga nadakpang suspetsado nga mag-atubang sa paglapas sa RA 9165 kon Comprehensive Dangerous Drugs Act of 2002.
Facebook Comments
