Sa interview sa DXDC RMN Davao kang Ryan Roldan, Senior Labor and Employment Officer sa DOLE XI, gisulti niya nga niadtong Sabado alas 12:00 sa udto. kapin 200 ka walk-in applicants ang na-cater ug kapin 500 sab ka mga aplikante sa online registration.
Segun ni Roldan, adunay 22 ka aplikante ang na hired dayon sa ilang mga employer og makatrabaho na sa ilang gi-aplayan nga trabaho.
Gipasabot sa opisyal nga ang gilusad nga job fair kabahin sa anibersaryo DOLE-XI karong umaabot nga Disyembre 8,2023.
“Ang purpose nato ani basta naay job fair mahitabo aron matabangan ang mga walay mga trabaho. Of course ang youth number one gyud na sya, kadtong mga new graduates (aron) mahatagan nato og opportunity nga ing-ani through job fair aron makatrabo sila,” sulti ni Roldan.
RadyoMaN Don Pulayao
