Kapin 400, 000 indibidwal gikatakdang mag-take og Career Service Exam sa Marso 26

Davao City – Gipangandaman sa Civil Service Commission (CSC) ang Career Service Examination – Pen and Paper Test (CSE-PPT) alang sa kapin 400, 000 examinees karong Marso 26, 2023.

Matud sa CSC, adunay katibuk-an nga 350,645 ka mga indibidwal o 86.89 porsyento sa mga examinees ang mokuha sa CSE-PPT alang sa Professional level, samtang 52,922 o 13.11 porsyento ang gilauman nga mokuha sa Subprofessional level.

Sumala kang Karlo Nograles, CSC Chairperson, halos tunga sa milyon ang miparehistro alang sa umaabot nga eksaminasyon. Gidungagan usab ang testing centers, busa aduna nay 94 kabuok sa tibuok nasud aron ma-accommodate tanang examinees.

Gitambagan usab sa CSC ang examinees nga basahon ug masabtan sa hingpit ang Examination Advisory No. 2, s. 2023 nga makita sa ilahang website.

Trishia Lagrama, BACOMM-Davao del Norte State College Intern

Facebook Comments