Kalibo, Aklan– Kapin sa 300,000 nga balor it sari-saring alahas rong tinakaw sa sangka panimaeay sa Villa Peras Subdivision Brgy. New Buswang, Kalibo, Aklan.
Sa panaysayaon it sangka 43-anyos nga babaye nga indi eon magpa mention it anang pangaean, ro nasambit nga mga alahas hay nakabutang sa box ag nakasueod sa cabinet.
Nasayran eon lang ro nasambit nga hitabo matapos nga mag-uli sanda halin sa panawan.
Gintinguhaan pa ko nasambit nga misis nga usuyon ro mga alahas ay basi nalipat imaw kon siin eang nana nahabutang ugaling uwa gid nana makita.
Ro nasambit nga mga alahas hay koleksyon it misis nga ginakaeakipan it relo, sing-sing, ag pulseras.
Sa makaron hay padayon pa nga gina imbestigahan it mga kapulisan pinaagi man sa bulig it Crime Laboratory Aklan.
