Kusog nga bul-og sa tubig baha, nasinatian sa pipila ka mga barangay sa siyudad sa Malaybalay; mga pamilya, gipangbakwit

Nakasinati og kusog nga bul-og sa tubig baha ang pipila ka mga barangay sa siyudad sa Malaybalay kagahapong adlawa.

SA interview sa RMN Malaybalay ngadto kang Alan Comiso, Chief sa City Disaster Risk Reduction and Management Office (CDRRMO)-Malaybalay, gibutyag niya nga ang mga barangay sa Managok, Aglayan, Simaya, Sinanglanan, San Jose, ug uban pa.

Nakasinati usab og landslide sa Barangay Miglamin.

Mapasalamaton hinoon si Comiso tungod kay lakip mga uniformed personnel ang mitabang sa pagrespondi sa mga lugar nga nabahaan.

Nakigkoordinar na sila sa mga trained personnel sa mga barangay alang sa pagrespondi.

Ubay-ubay usab matud pa ang nakabakwit nga mga pamilya ilabi na sa Basakan nga mga barangays tungod sa kusog nga pagbaha.