Andam na ang tanan alang sa kulminasyon sa “Kasama, What’s Your Story?” Promo sa DXDC 621 RMN Davao.
Upat ka mga managtiayon kinsa maoy mi-qualify isip finalists ang mahatagan og talagsaong higayon nga ma-feature ang ilang love story sa Cebuano radio drama sa RMN nga “Handumanan sa Usaka Awit.” Gawas niini, makaangkon usab sila og tsansa nga modaog og cash prize ug special gifts.
Aron mapili ang grand winner sa “Kasama, What’s Your Story?” Promo, magikan ang 50% sa desisyon sa mga hurado kinsa mga personahe sa DXDC Davao. 50% usab magikan sa kinatibuk-ang “Shares” sa ilang videos diha sa Facebook fan page sa DXDC.
Gawas sa mga couples, mamahimo usab nga modaog ang usaka ‘Facebooker’ alang sa Share and Win sa RMN. Aron modaug, (1) i-“Like” lang ang Facebook fan page sa DXDC; (2) i-“Share” ang video nga gustong suporthan sa netizen uban ang caption nga “Kasama, What’s your Story?” (3) ug i-“Mention” ang pangalan sa bisan kinsa nga Facebook friend sa miapil. Pilion ang mga modaug pinaagi sa electronic raffle draw.
Dungan nga i-anunsyo ang winning couple sa “Kasama, What’s your Story?” ug ang winner sa Share and Win sa RMN karong Miyerkules, Pebrero 28. Kini atol usab sa pagahimuong renewing of vows sa upat ka managtiayon nga gi-organisa sa DXDC. Sa maong aktibidad, kaslon pag-usab ang mga managtiayon diin lakip sa entourage mao ang tibuok team sa RMN Davao.
Report ni RadyoMaN Misel Miral
