General Santos City—mapasalamaton si Police Sr. Supt. Romeo Ruel Berango ang OIC City Director sa General Santos City Police Office sa konseho sa syudad tungod kay gihatagan sila ug higayon nga ipaabot ngadto sa mga konsehal ang ilahang mga gikinahanglan.
Sumala pa ni Col. Berango nga bisan paman ug nagisa sila sa gipahigayon sa session sa Sanguniang Panglungsod niadtong milabay nga Martes mapasalamaton gihapon kini tungod kay gipaminawan ang ilahang buot nga ipa abot sa konseho.
Kung kahinumduman nga gilatag ni Berango ang kakulangon sa ilahang opisina nga maoy hinungdan nga maapektohan ang ilahang operasyon sama nalang sa mobility, communication ug dugang pundo sa ilahang mga oprasyon gikan sa intelligence fund.
Samtang gi hingusgan sab ni Beranggo nga luyo paman sa ilang kakulangon ilang ginahimo ang ilang trabaho aron lang nga magpabilin ang kahapsay ug kalinaw sa syudad sa Gensan. (Dave Silagan)
