South Cotabato- Angol ang usa ka lalaki nga gituohang dunay epilepsy human nga nahulog sa lubi sa Barangay Zone III, Koronadal.
Biiktima giila lang ug “alyas motmot” legal age, residenti sa nasangpit nga barangay.
Subay sa inisyal nga imbistigasyon, niadtong nakalabayng adlaw mikatkat sa lubi ang nasangpit aron nga magkuha ug buko, apan giataki matud pa kini sa iyang balatian mao nga nahulog.
Paspas nga mirespondi ang mga personahe sa Bureau of Fire Protection Koronadal aron irescue ang biktima kansa daling gidala sa ospital.
Sa karon nagpaalim pa ang nahisgutan sa ospital human nga nakaangkon ug bali ug mga gasgas sa lawas human kining nahulog sa lubi.
Facebook Comments
