Lalaking dunay kanhi kasong kawat nisukol sa pulis, patay

Davao City – Dead on arrival sa Southern Philippines Medical Center (SPMC) ang notadong kawatan human misukol sa kapulisan sa Sta. Ana atol sa gilusad nga drug buy bust operation kagahapon alas 5:58 sa buntag , Disyembre 8, 2022 sa Sitio Sta. Cruz, Brgy. Leon Garcia, Agdao, Davao City.

Subay sa report sa Sta. Ana Police Station, giila ang suspek nga si Rodel Omega Enad, 34 anyos, walay trabaho ug residente sa Barpa, Brgy. Leon Garcia, Agdao ning dakbayan.

Ang suspect napalitan og iligal nga druga nga kapin 6 gramos nga shabu nga adunay street value P104, 320. 00 ang kantidad. Ang suspek giklasipikar nga TOP 6 Regional Level High Valued Individual (HVI).

Samtang narekober sa SOCO team gikan sa crime ang usa ka unit nga .38 revolver, tulo ka basiyo sa bala ug laing tulo sa 9mm nga pistola ug usa ka rectangular shape transparent plastic sachet nga shabu.

Nahinabi sa Team sa DXDC RMN Davao si PLT. Col Ronald Lao, Station Commander sa Sta. Ana Police Station gibutyag niini, subay sa ilang inbestigasyon ang suspek notado og kanhi sakop sa akyat bahay gang ug nalambigit s sa iligal nga droga.

“Makabakante motirada gihapon ang suspek, kadtong mga five years ago iyang gisulod ang usa ka radio station syudad sa Davao ug Top 6 sa Regional level High Value Individual (HVI),” sulti ni Lao.



RadyoMaN Don Pulayao

Facebook Comments