Lalaking nag-motor nalatayan og trailer truck patay

80
Davao City – Dead on arrival ang usa ka lalaki tungod sa disgrasya sa motor ug trailer truck sa Kilometer 80, Dolo, Bansalan, Davao del Sur kagahapong adlawa (June 16, 2022).

Naila ang biktima nga si Abner Traya, hingkod ang pangidaron, residente sa Anonang, Bansalan, Davao del Sur.

Sumala pa sa mga residente sa lugar, kalit lamang ang maong panghitabo ug nakit-an na lamang nila nga nagbuy-od na kini sa dalan. Gawas kang Traya aduna usay usa pa ka angol nga anaa sa ilawom sa trailer nga posibleng kauban sa biktima.

Gidala sa Viacrusis Medical Hospital ang usa sa mga biktima ug gi-refer kini sa hospital sa Digos apan gideklara na kining dead on arrival.

Padayong pang giimbestigahan ang hinungdan sa insidente.

RadyoMaN Kirby Manzon

Facebook Comments