Gikabutyag ni Police Major Joseph Forro ang hepe sa Banga MPS nga agig dinunggaban ang hinungdan sa kamatayon sa usa ka lalaking naka-packing tape pa ang nawong niini kansa una nang nakitang patay sa humayan nga bahin sa Sitio San Juan, Bo.3 Banga, South Cotabato Niadtong milabay nga adlaw.
Sumala pa ni forro nga basi sa resulta sa gihimong eksaminasyon sa SOCO nasutang adunay samad dinunggaban ang biktima sa sentrong bahin niini saiyang dughan nga maoy hinungdan sa iyangkamatayon.
Saysay usab sa opisyal nga duna silay nakuhanga impormasyon gikan sa intel kalabutan sa ilhanan sa biktima apan dili pa nila ibutyag ug mas maayo matud pa nga pamilya gayud sa biktima ang moila sa pangalan niini.
Samtang gipaklaro usab ni Forro nga dili pa nila matumbok ang motibo sa krimen hangtod nga dili pa mailhan ang biktima ug nagtuo ang opisyal nga gilabay lamang ang patayng lawas sa lugar.(Reynald Timario)
