Davao City- Arestado niadtong Huwebes ang usa ka rape suspect atol sa OPLAN Kalinaw ug pinasikad sa standing warrant of arrest nga gi-isyu ni Regional Trial Court (RTC) Branch 12 Presiding Judge Dante Baguio sa 11th Judicial Region sa kasong 2 counts of rape.
Giila sa Tugbok PNP ang suspek nga si Archie Caralos Quibol, 39, laborer, residente sa Purok 9, Manuel Guianga, Tugbok District ning syudad.
Gikonsiderang District’s Top 5 Most Wanted Person ang suspetsado.
Gireklamo kini sa pagpanglugos og 14 anyos nga buntis niadtong Abril 10, 2018.
Sa affidavit sa biktima gisaysay niini nga tulo ka bulan kining mamdos sa pagmolestiya sa suspek kaniya sulod sa ilahang panimalay.
Nasundan pa ang insidente niadtong Abril 18, 2018 samtang gisugo ang biktima og palit og suka gidagit kini sa suspek sa kabagnutan.
Segun ni Tugbok PNP station Commander Police Major Ricky Obenza nga nagpadayon sila sa pagtunol og hustisya ngadto sa biktima atol sa pagkasikop karon sa suspek.
“Lisod kaayo, kay ako naa pud koy anak nga babaye, unsa nalang kaha ang bation sa bata nga nagpakatawo sa iyang anak nga walay amahan diin kaduha pa gyud niya nasinati ang pagpanamastamas sa iyaha,” sumala ni Obenza.
Kasamtangang nakadetino karon ang suspek sa Tugbok PNP samtang gihulat ang commitment order aron mabalhin kini sa Davao City Jail sa may Maa ning syudad.
RadyoMaN Aimee Guinita
