Libreng foodpacks ug lain pang mga serbisyo, idalit sa DXDC RMN Davao sa publiko

Davao City – kabahin sa pagsaulog sa ika-11 ka tuig nga anibersaryo sa Radio Mindanao Network (RMN) Foundation, ang DXDC RMN Davao ug 93.9 IFM Davao, mohatag og mga nagkandaiyang serbisyo sa publiko.

Pinaagi niini ang Ma. Corrina Canoy Feeding Program 2023, motunol og mga libreng food packs, libreng masahe ug gupit sa katawhan sa Davao City Overland Transport Terminal (DCOTT) ilabi na sa mga drivers, porters ug pasahero karong adlawa, September 27, 2023 gikan alas 6:00 hangtod alas 11:00 sa buntag.

Tumong sa RMN Foundation nga makatabang sa mga tawo, ilabi na niadtong mas labing nagkinahanglan sa lain-laing parte sa Pilipinas.

Kahinumduman, ubay-ubay na usab ang natabangan sa maong foundation pinaagi sa DXDC RMN Davao sama sa feeding program, pagpang apod-apod og mga pagkaon o school supplies sa mga estudyante pinaagi sa Oplan Tabang alang sa mga apektado sa mga sunog, bagyo o pagbaha.

RMN Foundation… 11 years of service!

RadyoMaN Ivy Parido