Dinala mismo ng DENR sa bayan ang mga serbisyo nito noong Setyembre 23 sa pamamagitan ng “Permitting on Wheels” Mobile Service Outreach Activity na isinagawa sa Natividad Evacuation and Multi-Purpose Gymnasium mula alas-9 ng umaga hanggang alas-4 ng hapon.
Kabilang sa mga serbisyong inilapit sa mga residente ang libreng agricultural at residential patent applications, land status certification, verification ng titled at untitled properties, chainsaw registration, tree-cutting permit applications, at iba pang permit para sa puno, kawayan at uling.
Naglaan din ng serbisyo ang Environmental Management Bureau o EMB at Mines and Geosciences Bureau o MGB, kabilang ang aplikasyon para sa Environmental Compliance Certificate o ECC, Certificate of Non-Coverage o CNC, wastewater discharge permits, hazardous waste registration, mining permits, quarry clearances at geohazard assessments.
Nakibahagi rin ang Department of Agrarian Reform o DAR para sa agrarian land titling assistance, kabilang ang Certificate of Land Ownership Award o CLOA at Emancipation Patent o EP, landholding status verification, at teknikal at legal na payo para sa mga agrarian reform beneficiaries.
Layunin ng mobile service na mailapit ang mga serbisyo ng pamahalaan sa mga residente, partikular sa mga magsasaka, landowner at business owner, at mabawasan ang oras at gastos sa pagpunta sa mga tanggapan ng DENR. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
