LIFE STORY SANG BFP PERSONNEL NGA TAGA-CAPIZ, FEATURED SA DOCUMENTARY FILM FEST SANG BFP!

31
Roxas City, Capiz – Lakip sa Top-10 finalist sang documentary film festival sang Bureau of Fire Protection (BFP) nga Apoy at Lente ( Fire and Lens) Season 2 ang isa ka short film nga himo sang isa ka Capiznon local film director.
Ini ang gintig-ulohan, ‘Tulad ng Isang Sipi ng Saging’ kun sa diin ginpakigbahin ang naagyan ni FO2 Crishtobal Cusay, tumandok sang banwa sang Jamindan, Capiz.
Diri, ginpatpat ang mga pagtimakas kag pagpakigbato sa mga pagtilaw sa kabuhi ni Cusay humalin sang naga-eskwela pa lamang tubtob nga ini ang nakasulod na sa BFP.
Ang amo nga pelikula ang himo paagi sa local film Director/Producer nga si Quin Pacis sang President Roxas, Capiz katuwang ang SICAP Stories.
Ang film showing kag awarding ceremony sa Apoy at Lente ( Fire and Lens) Season 2 ang igapatigayon sa SM Cinema, SM North Edsa sa Agosto 2, 2022.
Facebook Comments