Gin-imbitaran sang provincial government sang South Cotabato ang lima ka mga foreign chambers, agud maghan-ay sang ila mga investment plans kag direksyon sa Southern Mindanao sa ipatigayon nga pinakauna nga Investment and Business Conference sa Hulyo 17 bilang kabahin sang aktibidad sa selebrasyon sang T’nalak Festival.
Suno kay South Cotabato Economic Investment and Promotions Head Manny Jumilla lakip sa mga gin-imbitaran nila ang chambers of commerce sang Italy, Europe, Australian-New Zealand, Philippines, American kag ang Consul sang Indonesia.
Ginpahayag ni Jumilla nga ang nasambit nga aktibidad ang isa ka tion para sa mga local kag foreign investors nga diskusyunan ang mga investment opportunities sa South Cotabato ukon Southern Mindanao agud nga hangkaton ang mga ini nga mag-invest sa probinsya.
Ginalauman niya man nga paagi sini mas mapasanyog pa gid ang ekonomiya kag negosyo sa South Cotabato.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
