LISTAHAN SANG MGA 4Ps BENEFECIARIES SA PILIPINAS, LIMPYUHON!

19
Roxas City, Capiz – Nagpanawagan si World Bank Senior Economist for Social Protection and Job Global Practice Yoonyoung Sho sa Pilipinas, nga limpyuhon ang listahan sang mga benipisyaryo sang Pantawid Pamilyang Pilipino Program o 4Ps.
Sa statement nga ginpaguha sang World Bank, nakita nila nga kadam-an sa mga benepisyaryo sang cash transfer program nga dapat kuntani ang sa 40% sang pinakaimol ukon indigent nga pamilya, ang nagkadto sa mga indi kwalipikado.
Suno sa WB official, dapat mag-angkon ang gobyerno sang malimpyo nga database agud mapaayo ang targeting okun identification sang mga benepisyaryo sa tiun nga may krisis.
Ginrekomenda man sini ang streamlining sang contingency financing mechanism, para sa mas simple nga bureaucratic processing sa paggamit sang calamity funds.
Dugang pa ni Cho, dapat nga mapadasig ang pagpanghatag sang Philippine Identification System (PhilSys) ID, bangud mas makabulig ini nga mapatigayon ang mga rekomendasyon sang WB.
Samtang sa pahayag ni DSWD Secretary Erwin Tulfo, naumpisahan sang nakaligad nga semana ang paglimpyo sa listahan sang DSWD sa mga 4Ps beneficiaries.
Henyo sini ang tatlo(3) tubtob lima(5) ka semana kag lauman nga gatos ka libo ang makakas sa listahan.
Facebook Comments