[image: 55869526_2090692231037575_6466260906954194944_n (1).jpg]
TAMPAKAN, South Cotabato – Padayong giila sa kapolisan sa Tampakan, South Cotabato ang cultivators sa halos 3,000 nga punoan sa marijuana niaging semana.
Kini human gipangbunlot sa joint elements sa Tampakan PNP, PDEA 12, Provincial Intelligence Branch og PMFC South Cotabato sa may Sitio Datal Alyong, Barangay Danlag, Tampakan.
Wala na maabtan ang mga nagtanom og marijuana sa lugar dihang gilusob sa raiding team ang plantasyon.
Gumikan sa kadaghan sa mga marijuana nga naibot gisunog na lamang kini sa mismong lugar.
Unang nagsumbong ang mga residente sa maong dapit hinungdan gironda sa otoridad tungod positibo ang impormsyon sa kapolisan.
Mibalor sab ngadto sa P750,000 ang market value sa mga gisunog na marijuana.
For more info’s and updates, like and share our official facebook account : www.facebook.com/ifm91.9Gensanofficial/
