GENERAL SANTOS CITY- Wala na nakahimo sa pagpalag ang wanted person sa munispyo sa Isulan nga nadakpan sa kapolisan human na-monitor ang presensya dinhi sa Gensan.
Giila pinaagi sa imbestigasyon ang suspek sa pangalang Amedin Manalapas, usa ka hamtong nga adunay arrest warrant sa kasong murder, dunay criminal case number 1272.
Wanted ang maong akusado sa nasangpit nga kaso sa Isulan, Sultan Kudarat.
Dugang pa, nakig-alayon si Police Capt. Rovi Jardinel sa Isulan MPS ngadto sa San Isidro Police Station human nahimong sighted ang akusadong si Manalapas sa may Purok Malakas, Barangay San Isidro.
Nagpahigayon og mubo nga briefing ang joint elements sa kapolisan ayha gilusad ang ilang plano.
Malampuson nga nadakpan ang suspek nga gilayong gidala sa Isulan aron makustodiya sa kapolisan.
For more info’s and updates, like and share our official facebook account : www.facebook.com/ifm91.9Gensanofficial/
[image: dakpan sa kasong murder.jpg]
