Makato, Aklan – Patay ro sangka lola matapos nga sunggaban it motorsiklo kahapon sa Brgy. Libang, Makato, Aklan .
Nakilaea rong biktima kay Adelaida Sabino y Ignacio, 85-anyos ag residente it nasambit nga barangay.
Base sa report it Makato MPS nga kahapon it agahon samtang nagapanikangon ro biktima sa kilid it karsada tag sunggaban it motorsiklo nga ginamaneho ni Kevin Tayco, 17-anyos it Brgy. Tibiawan sa nasambit nga banwa.
Eagi man nga nahadaea rong biktima sa hospital pero ginbawian man it hueam nga kabuhi samtang ginabueong sa Intensive Care Unit (ICU) it sangka pribadong hospital.
Una man eon sa paghinakop it Makato MPS si Tayco matapos nga mag surrender ag magapangatubang it kasong Reckless Imprudence Resulting to Homicide.
Facebook Comments
