Ibajay, Aklan — Uwa eon it kabuhi tag makit-an ro sangka lolo kahapon sa sapa sa Brgy. Aquino, Ibajay, Aklan.
Ro biktima nakilaea kay Nestor Luces Franco, 64-anyos ag residente man it nasambit nga lugar.
Sa report it Ibajay MPS nga myerkules pa ginmaduea ro nasambit nga lolo ag kahapon eamang nakita nga patay eon.
Sa imbestigasyon naga guwa nga nag adto raya sa sangka birthday ag nag inum-inum kung sa siin uwa eon raya makaabot sa andang baeay matapos nga mag uli.
Nakita raya it daywa ka mga eaeaki nga naga usoy it kahoy sa lugar.
Ginapatihan it pamilya ko biktima nga raya hay gin atake ko anang sakit ag nahueog sa sapa pero ipaidaeom pa sa post mortem examination rong bangkay it biktima para masayuran kon ano pa ro dahilan it anang kamatayon.
Facebook Comments
