Ni Jay-ar M. Arante, RMN-DYKR Kalibo
Nakataeana sa adlaw nga Martes ro committee hearing it Sangguniang Bayan it Kalibo kaangot sa installation it mga CCTV cameras sa Kalibo ag sa mga establisyemento it dayang banwa.
Sa ging patigayon nga Session it SB Kalibo ko Huwebes ging istoryahan do Ordinansa nga No. 2013-05 “CCTV Ordinance it Kalibo.
Do daya nga proposed ordinance hay ging proponer nanday SB member Mark Vega Quimpo ag Mark Ace Bautista.
Dayang ordinansa hay naga sugo sa tanan nga commercial/business establishment sa banwa it Kalibo nga mag-install it mga CCTV cameras sa andang area para sa masiguro do safety it Kalibonhon ag peace and order.
Sa section 7 man it daya nga ordinansa kinahang-ean nga do daya nga CCTV hay nakabutang sa steel post, may kapabilidad man it “Pan”, “Tilt” ag Zoom (PTZ) nga may infrared capacity nga indi mag sobra sa 100 meters ag klaro sa madueom.
Ro nasambit nga Pan ag Tilt hay kinahangean man nga makasarang magta-o it 360 degree Pan ag Tilt ag ro idaeom nga parte it ginabutangan ko CCTV, samtang dapat nga ro image recording hay digital video reocorder ag dapat nga ro CCTV hay 2 mega pixel ro quality ag puwedi nga ma-install sa mga pader ag bubong para mas madali ro monitoring.
Samtang ro LGU Kalibo hay maga-install man it mga CCTV camera sa mga daeanon sa Kalibo ag maga butang sanda it tawo nga maga monitor gid sa camera kapareho sa ibang lugar.
