Nagalab-ot sa masobra P1.5 million ang gin-alokar nga pondo para sa patigayunon nga Agri-Fair sa selebrasyon sang T`nalak Festival sa masunod nga bulan, suno kay Provincial Agriculturist Justina Navarete.
Magakadto naman suno pa ang pondo para sa Bahay Kubo, Plant Fair, Culinary Art kag Pinaka competition.
Sa subong suno kay Navarete nagalab-ot na sa 84 ang exhibitors sa plant fair nga magaumpisa sa Hulyo 1 tubtob Hulyo 30 kag halos nakabayad na sang P4,500.00 nga renta.
Ginkumpirmar man sang Provincial Agriculturist nga ginpataasan man ang premyo subong nga tuig sa bahay kubo competition nga ang Champion ang makabaton sang P100,000, 1st Runner Up- P90,000, kag 2nd Runner Up- P80,00.
Tanan naman suno pa nga banwa lakip na ang syudad sang Koronadal ang magapartisipar sa bahay kubo competition subong nga tuig.
