> READ! Moabot sa 10% na lamang ka nagsilbi na Board of Election Tellers sa Surigao del Norte an waya pa makakobra sa ila mga Honorarium sa taghimo na barangay ug Sangguniang Kabataan elections. Ini an kusganong tagbutyag ni Atty. Alvin Canta, an Provl. Election Officer. Tagtudlo na sugod pa adton Mayo 15 an ila pagsugod sa pagrelease sa mga Honorarium, kasagaran sa mga ini an tagpaagi sa cash card adton mga lungsod na may ATM, hinoon sa wayay ATM booth an tag-cash advance na lamang sa tagsa-tagsa ka Election Officers. Dugang pa ni Atty. Canta moabot sa tag-P6,000 hangtud P7,000 an madawat kada isa sa mga Chairman, Member ug staff sa electoral Board sa miagi na eleksiyon. Sa tibook SDN may kapin 4,000 an nagsilbi na Board of Election Tellers. > > > > >
