MAYOR TRIXIE FERNANDEZ SANG SAN ENRIQUE, ILOILO, NAPILIAN BILANG LMP-ILOILO CHAPTER PRESIDENT.

Napilian bilang Presidente sang League of Municipalities of the Philippines- Iloilo Chapter si Mayor Rosario Mediatrix Fernandez sang San Enrique, Iloilo sa ginhiwat nga piniliay sang LMP Iloilo officers sa Casa Real, Iloilo Provincial Capitol.
Nagdaug si Fernandez sa duha ka puntos nga abanse nga nakakuha sang 20 ka boto batuk kay Mayor Jett Rojas sang Ajuy nga nakakuha sang 18 ka boto, samtang may duha nga nag-abstain kag tatlo ang wala makatambung.
Hugot nga ginpasalamatan ni Fernandez ang iya mga kaupod nga mga alkalde sa pagpili sa iya kag nagapasalig nga iya himuon ang tanan niya nga masarangan kag ginpat-od nga suportahan ang mga programa ni Governor Arthur Defensor Jr.
Samtang, napilian nga bise- presidente si Mayor Jett Rojas; Secretary si Mayor Geefre Alonsabe sang Alimodian: Treasurer si Mayor Lee Ann Debuque sang Anilao; Auditor si Mayor Francis Amboy sang Maasin; Business Manager si Mayor Manuel Ganzon sang Balasan kag may walo ka mga Board of Directors gikan lima ka mga distrito sa.probinsya sang Iloilo.

Facebook Comments