Roxas City, Capiz- May yara sang kabug-osan nga walo tanan ka mga nagdalaog nga mga alkalde sa kabanwahanan sa Capiz ang yara sa idalom sang NUP ukon National Unity Party.
Ang mga ini ang ginalakipan nanday Mayor Tito Mayo sang Cuartero, Mayor Toto Ernie Escutin sang Dao; Mayor Odoy Castro sang Dumalag; Mayor Dodoy Arancillo sang Dumarao; Mayor Ipe Yap sang Ivisan; Mayor Mac Valdemar sang Jamindan; Mayor Jun Labao sang Mambusao kag Mayor Ike Biñas sang Sapian.
Samtang may yara naman sang lima ka mga alkalde ang nagdaog nga yara sa idalom sang Liberal Party base rekord sang Comelec.
Ang mga ini amo sanday re-elected Mayor Christoper Andaya sang Sigma; re-elected Mayor Dodoy Evan Contreras sang Pontevedra; re-elected Mayor Felipe Barredo sang Panay; elected Mayor Mon-mon Malapajo sang Maayon kag elected Mayor Atty Ronnie Dadivas sang Roxas City.
Duha naman ang independent candidates nga napilian nga alkalde nga amu sanday Mayor-elect Kit Dequina Belo sang Panit-an kag Mayor-elect Arnold Perez sang Pilar.
Samtang *Nationalist People’s* Coalition(NPC) naman ang partido ni re-elected President Roxas Mayor Recileste Escolin kag PDP-Laban naman ang partido ni Mayor Roberto “Nonong” Palomar sang Tapaz.
